Podmoskove qalasynda avtobýs júk kóligimen soqtyǵysyp, 10 adam qaza tapty
ASTANA. 27 mamyr. QazAqparat - Juma kúni Reseıdiń Máskeý oblysyndaǵy Stýpınsk aýdanynda iri jol-kólik apaty boldy.
Avtobýs júk kóligimen soqtyǵysyp, apat saldarynan avtobýs janyp ketken, dep habarlaıdy RBK agenttigi.
"Apat jergilikti ýaqyt boıynsha shamamen tańǵy saǵat 04.30-da «Don» federaldy tas jolynyń 105-shi shaqyrymynda bolǵan. Eki kóliktiń soqtyǵysý saldarynan órt bolyp, avtobýs túgeldeı derlik janyp ketken", - dep habarlady óńirdegi tótenshe jaǵdaılar mınıstrligi.
Aldyn-ala boljam boıynsha 10 adam qaza tapty, taǵy úsh adam jaraqat aldy.
Oqıǵa ornynda quqyq qorǵaý organdary, tótenshe jaǵdaılar mınıstrligi men jedel-járdem qyzmetkerleri jumys istep jatyr.
