«Pobeda zymyranynyń» iske qosylýy: Baıqońyrǵa 2,5 myńnan astam qonaq keledi
ASTANA.KAZINFORM - Baıqońyr qalasyndaǵy «Kosmonavt» qonaq úı kesheninde ótken memlekettik komıssııa otyrysynda jerústi ınfraqurylymy men «Soıýz 2.1a» zymyran tasymaldaǵyshynyń ushýǵa daıyndyǵy rastalyp, HǴS-qa ushatyn ekıpaj bekitildi, dep habarlaıdy Kazinform tilshisi.
Bul negizgi ekıpaj músheleri: keme komandıri, bortınjener jáne ekspedıtsııa komandıri, Roskosmos ǵaryshkeri Sergeı Ryjıkov, kemeniń 1-bortınjeneri, ekspedıtsııa bortınjeneri, Roskosmos ǵaryshkeri Alekseı Zýbrıtskıı jáne kemeniń 2-bortınjeneri, NASA astronavty Djonatan Kım.
Memlekettik komıssııa tóraǵasy, Roskosmos basshysy Dmıtrıı Bakanov ǵaryshkerlerdi ushyrý aldyndaǵy daıyndyq jumystarynyń sátti aıaqtalýymen quttyqtap, ekıpaj múshelerine sáttilik tiledi.
«Soıýz 2.1a» zymyran tasyǵyshynyń «Soıýz MS-27» ǵarysh kemesimen jáne Halyqaralyq ǵarysh stansasyna (HǴS) kezekti, 73-shi uzaqmerzimdi ekspedıtsııamen ushyrylymy erteń, 8 sáýir kúni Astana ýaqytymen saǵat 10:47-de Baıqońyr ǵarysh aılaǵynyń 31-alańynan josparlanǵan.
Baıqońyrdan aldaǵy ushyrý Uly Jeńistiń 80 jyldyǵyna arnalady.
Roskosmos pen Qazǵarysh ókilderiniń aıtýynsha, bıylǵy sáýirdegi ushyrylymǵa Baıqońyrǵa kóptegen qonaq, ıaǵnı 2,5 myńnan astam adam keledi. Olardyń qatarynda mektep oqýshylary, stýdentter, ártister, jýrnalıster, depýtattar, blogerler, memlekettik qyzmetkerler, ǵaryshkerler men ǵaryshkerlerdiń týystary bar.
Aıta ketelik «Baıqońyrdan» zymyrannyń ushyrylý sátin 11 myńnan astam týrıst tamashalaǵan.