Pnompen aýrýhanasynda aýyr jaǵdaıda Qazaqstan azamatshasy jatyr
ASTANA. 8 shilde. QazAqparat - Qazaqstan azamatshasy 48 jastaǵy Larısa Shamova 30 maýsym kúni aýyr jaǵdaıda Pnompen qalasyndaǵy Royal Rattanak hospital aýrýhanasyna tústi, dep habarlaıdy syrtqy saıasat vedomstvosynyń baspasóz qyzmetinen.
Aýrýhana qyzmetkerleriniń málimeti boıynsha, L.Shamova Kambodjadaǵy týrıstik nysandardyń birinde jetimetrlik bıiktikten qulap ketip, aýyr bas jaraqatyn alǵan. Oqıǵanyń izin ala ol eldiń soltústik-batysyndaǵy Sıem Rıep qalasyndaǵy Royal Angkor International Hospital aýrýhanasyna jetkizilip, jedel medıtsınalyq kómek kórsetilgen. Sodan keıin el ordasy - Pnompen qalasyndaǵy Royal Rattanak Hospital aýrýhanasyna jetkizilgen.
Dárigerlerdiń aıtýynsha, L.Shamova áli esin jınaǵan joq, onyń jaǵdaıy óte aýyr dep baǵalanyp otyr jáne oǵan jedel operatsııa kerek.
Pnompenge Bangkok arqyly tranzıtpen Shamovanyń uly ushyp shyqty.
