Pnevmonııanyń aldyn alý úshin ne isteý kerek
NUR-SULTAN. Qaz-Aqparat – Kúzdiń sońǵy aıy – qarasha tumaý jáne basqa da juqpaly aýrýlardyń paıda bolý kezeńi bolyp sanalady. Osy kezeńde pnevmonııa da órship ketýi múmkin, dep habarlaıdy QazAqparat Qoǵamdyq densaýlyq saqtaý ulttyq ortalyǵynyń baspasóz qyzmetine silteme jasap.
«Pnevmonııa – bul ókpe tininiń qabynýy, ol negizinen alveolalarǵa áser etedi jáne olardaǵy qabyný suıyqtyǵyn damytady. Aýrýdyń bastalýy dene qyzýynyń joǵarylaýymen, keýdeniń aýyrýymen, qaqyryqtyń mol bólinýimen sıpattalady. Dıagnostıkanyń negizgi ádisi – flıýorografııa, ókpeniń rentgenografııasy. Bul arqyly qara jaryqtar men qaqyryq daqtaryn kórýge bolady», - deıdi ortalyq mamandary.
Pnevmonııanyń aldyn-alý úshin úı-jaıdy únemi jeldetip otyrý, turǵyn úıdi taza ustaý kerek.
«Qozǵalys rejımin saqtaý kerek. Taza aýada serýendeýmen birge qalypty fızıkalyq júktemeler aýyryp qalý múmkindigin tómendetedi. Zııandy ádetterden bas tartyp, qalypty dene júktemelerimen tolyqqandy demalysty aýystyrý kerek jáne qatty salqyndaýdan saq bolý qajet. Sondaı-aq, tynys alý organdarynyń sozylmaly aýrýlaryn emdeý kýrsynan ýaqytynda ótý óte mańyzdy», - deıdi QDSUO baspasóz qyzmeti.
Qazaqstanda keń taralǵan aýrýlarǵa qarsy barlyq belgili vaktsınalar bar, sonyń ishinde eń ozyq 13 – valentti pnevmokkty ınfektsııaǵa qarsy vaktsına, ol 13 asa patogendi serotıpterdi, ıaǵnı pnevmokkty qamtıdy.
