Pnevmonııaǵa shaldyqqandardyń barlyǵy PTR test tapsyrdy ma – Vıtse-mınıstr jaýaby
NUR-SULTAN. QazAqparat – Kóptegen memleket koronavırýs ınfektsııasynyń sanyn tek PTR testi oń nátıje bolǵanda ǵana tirkeıdi. Onlaın brıfıngide QR Densaýlyq saqtaý vıtse-mınıstri Ajar Gınııat osylaı málim etti, dep habarlaıdy QazAqparat tilshisi.
Vıtse-mınıstr Ortalyq kommýnıkatsııalar qyzmeti alańynda «QR DSM ózekti máseleleri: Pandemııa kezindegi medıtsınalyq kómektiń qol jetimdiligi týraly» taqyrypta ótken onlaın brıfıngide koronavırýs ahýalyna qatysty jaıttardy aıtyp berdi.
«Kóptegen memleket koronavırýs ınfektsııasynyń sanyn tek PTR testiniń oń nátıjesi arqyly ǵana tirkeıdi. Biz de bıyl 1 tamyzdan bastap barlyq statıstıkany jańartyp, eger dáriger koronavırýs ınfektsııasynyń kúdikti nemese yqtımal jaǵdaıy dese – ony PTR testi oń nátıje kórsetken naýqastarmen birge sanap otyrmyz», - deıdi QR Densaýlyq saqtaý vıtse-mınıstri Ajar Gınııat.
Onyń aıtýynsha, dıagonzdy anyqtaıtyn – dáriger. Olar aýrýdyń bastapqy sımptomdaryna qaraıdy.
«Eger aýrý sımptomy koronavırýs ınfektsııasyna uqsaıtyn bolsa – PTR test nátıjesi teris bolsa da koronavırýs ınfektsııasynyń yqtımal jaǵdaıy nemese kúdikti jaǵdaıy degen dıagnoz qoıady. Aýrýdyń sımptomdary naýqastyń shaǵymyna, zerthanalyq jáne dıagnostıkalyq tekserýine baılanysty bolady», - deıdi ol.
