Pnevmonııa kezinde massaj kómektese me - medıtsına ǵylymdarynyń doktory
NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide joǵary sanatty pýlmonolog, medıtsına ǵylymdarynyń doktory Natalıa Latypova pnevmonııa kezinde massajdyń kómegi bar-joǵyn aıtty, dep habarlaıdy QazAqparat tilshisi.
«Ókpege suıyq jınalyp qalady» degen sóz koronavırýs ınfektsııasyna qatysty aıtyla qoımaıdy. Aýrý barysynda qurǵaq jótel bolady. Osy jerde ókpe súzgisi bolady. Bul jerdiń mehanızmi basqashalaý», - deıdi Natalıa Latypova.
Ol ókpeniń astyńǵy bóligin jeldetip otyrý óte mańyzdy ekenin aıtty.
«Іshpen jatý kerek» degen keńes ne sebepti kóp aıtylady? Ókpe jasýshasy ekskýrsııa jasaýy úshin adamnyń arqa tusy ashyq bolýy kerek. Іshpen jatqan kezde ǵana artqy tusy ashyq bolady. Eger aýrýdyń respıratorlyq belgileri bolsa jáne koronavırýs ınfektsııasy sizde bar ekeni dáleldengen bolsa - kúnine birneshe ret etbetinnen jatýdy usynamyz. Pnevmonııanyń aýyr túrimen aýyratyndar kúnine 12-16 saǵat boıy ishpen jatýy kerek. Bul qan aınalymdy jaqsartatyn tetikti jaqsy jumys istetedi. Al massaj jasatýdy usyný - qıyn. Pnevmonııa kezinde massaj qanshalyqty jaqsy áser etetini belgisiz», - deıdi ol.
