PMHZ grantymen Reseıde JOO bitirgen segiz túlek zaýytqa jumysqa qabyldady
ASTANA. QazAqparat - Pavlodar munaı hımııa zaýyty jeke kadrlardy daıarlaýǵa jiti kóńil bóledi. Bul týraly zaýyttyń baspasóz qyzmeti habarlady.
Aıtalyq, zaýytta birneshe jyl boıy Pavlodar hımııa-mehanıkalyq kolledjimen birge ázirlengen dýaldyq baǵdarlama jumys istep keledi. Zaýyttyń basqa da áriptesteri ishinde S. Toraıǵyrov atyndaǵy Pavlodar memlekettik ýnıversıteti, Innovatsııalyq Eýrazııalyq ýnıversıteti, sondaı-aq eń iri reseılik joǵary oqý oryndarynyń biri - Ýfanyń memlekettik munaı tehnıkalyq ýnıversıteti (ÝMMTÝ) bar.
ÝMMTÝ-men yntymaqtastyq týraly shart sheńberinde Pavlodar munaı hımııa zaýyty Pavlodar oblysy mektepteriniń eń laıyqty túlekterin oqytý úshin granttar bóledi. Qatań irikteýden ótken abıtýrıentterdiń «Tabıǵı energııa tasymaldaýshylarynyń jáne kómirtek materıaldarynyń hımııalyq tehnologııasy» jáne «Hımııa óndiristeriniń mashınalary men apparattary» mamandyqtary boıynsha bilim alýǵa múmkindikteri bar.
Atalmysh joǵary oqý ornynyń bıylǵy segiz túlegi PMHZ-ǵa jumysqa ornalasyp ta qoıdy. ÝMMTÝ-dyń birinshi kýrsyn aıaqtaǵan taǵy da on stýdent mindetti oqý praktıkasyn ótý úshin zaýytqa oraldy. Eki aptaǵa stýdentter qysqa merzim ishinde olardyń eńbek etý otbasy bolatyn ujymnyń bir bóligine aınaldy. Jastar negizgi tehnologııalyq keshenderdiń jumysymen tanysty, biregeı mýltımedııalyq oqýlyqtar boıynsha oqýdan ótti.
- Bul meniń zaýytqa alǵash kelýim emes. Hımııa-mehanıkalyq kolledjiniń 3-shi kýrsynda oqyp júrip, Pavlodar munaıa hımııa zaýytyna keldim. Eki jyl boıy dýaldyq oqý nysany boıynsha praktıkadan óttim. Praktıka jaıly aıtsaq, ol negizinen teorııalyq sıpatqa ıe boldy. Bizdiń sabaqtarymyz basty tehnologııalyq keshen jabdyqtarynyń jumysy týraly 3D-rolıkterdi kórsete otyryp, oqý ortalyǵynyń kompıýterlik synyptaǵy oqýdy qamtydy, deıdi ÝMMTÝ stýdenti Tólegen Toqsan.
Kásiporyn Reseı Federatsııasynyń jetekshi joǵary oqý oryndarymen belsendi yntymaqtastyqty jalǵastyrýǵa nıetti. Aıtalyq, osy jyly PMHZ alǵash ret eki abıtýrıentti Máskeý qalasyndaǵy I. Gýbkın atyndaǵy Reseı munaı jáne gaz memlekettik ýnıversıtetine oqýǵa jiberedi.
