Plıýşenkonyń jattyqtyrýshysy Alekseı Mıshınǵa «halyqtyq» altyn medali tabys etildi
ASTANA. Sáýirdiń 5-i. QazAqparat - Vankýver Olımpıadasynyń mánerlep syrǵanaýdan kúmis júldegeri Evgenıı Plıýşenkonyń jattyqtyrýshysy Alekseı Mıshın jeksenbi kúni Peterborda arnaıy bastamashy toptyń ókilderiniń qolynan «halyqtyq» altyn medaldi aldy,
dep habarlady «RIA «Novostı» agenttigine osynaý aktsııanyń uıymdastyrýshysy, «Petrovskıı okrýgi» mýnıtsıpaldyq bilim keńesiniń basshysy Dmıtrıı Ilkovskıı.
Mánerlep syrǵanaýshy Evgenıı Plıýşenkonyń peterborlyq jankúıerleriniń Vankýver Olımpıadasynda «kúmisten» alqa taqqan súıikti sportshylaryna altynnan medal quıyp berý nıetin QazAqparat budan buryn habarlaǵan bolatyn. Osynaý ıdeıaǵa uıytqy bolǵan «Petrovskıı okrýgi» mýnıtsıpaldyq bilim keńesiniń tóraǵasy Dmıtrıı Ilkovskııdiń jýrnalısterge habarlaýynsha, bul maqsat úshin halyqtan altyn jınaǵan. Sportshynyń jankúıerleri nagrada dızaınyn ózderi tańdady. Medaldy Saha Respýblıkasynyń zergerleri jasady.
Esterińizge sala keteıik, Evgenıı Plıýşenko Vankýverde amerıkandyq Evan Laısachekke ese jiberip alyp, «kúmis» júldeni qanaǵat tutqan bolatyn. Reseılikter osynaý «ádiletsizdikti túzetip», Plıýşenkoǵa óz altyn medaldaryn quıyp, ony tabys etý rásimine Plıýşenkonyń ózi kele almaǵandyqtan, onyń jattyqtyrýshysyna tabys etti.
