Plıýşenko Sochı Olımpıadasyna qatyspaıdy
ASTANA. Tamyzdyń 24-i. QazAqparat - Reseı fıgýrısi Evgenıı Plıýşenko jarystan shyǵaryp tastalýyna baılanysty Sochı Olımpıadasyna qatyspaıdy. Bul týraly habarlama Halyqaralyq sport baspasóz qaýymdastyǵynyń resmı saıtynda jaryq kórdi, dep habarlaıdy «Reseı 24».
Buǵan deıin konkımen júgirýdiń halyqaralyq odaǵy, atalǵan uıym ótkizgen jarystan Plıýşenkonyń shyǵarylyp tastalǵanyn málimdegen bolatyn. Sportshyny jarystan shyǵarý týraly sheshim osy jylǵy maýsymnyń sońyna taman qabyldandy. Plıýşenko muzda mánerlep syrǵanaý federatsııasyna aıtpastan, naýryz jáne sáýir aılarynda muzaıdyn shoýyna qatysqan, sóıtip ol, Odaq erejesin buzǵan. Sonymen qatar, Plıýşenko alǵan jaraqatyna baılanysty, naýryzda ótken álem chempıonatyna qatysýdan bas tartqan, dep eskertedi «Reseı 24».
Plıýşenkoǵa 21 kún ishinde shveıtsarııanyń Lozann qalasyndaǵy sporttyq tórelik sotqa aryzdanýyna bolýshy edi, biraq olaı etpedi. Sodan baryp, ol týraly qabyldanǵan sheshim avtomatty túrde kúshine endi.
