Plıýralızmge – ıá, radıkalızmge – joq, osy ustanym buljymas kúıinde qalady - Toqaev
«Biz adamdardyń quqyqtyq mádenıetin dáıekti túrde arttyryp, qoǵamdyq sanada shyǵarmashylyq qundylyqtardy tárbıeleýimiz kerek. Ár azamat óz sózi men is-áreketin zań turǵysynan baǵalap, is-áreketiniń quqyqtyq saldaryn anyq túsinýi kerek. «Plıýralızmge – ıá, radıkalızmge – joq». Bul ustanym buljymas kúıinde qalady. Bizdiń aqparattyq keńistigimizde jáne qoǵamdyq alańymyzda dostyq pen kelisim, syndarly dıalog pen shyǵarmashylyq ózara is-qımyl atmosferasy bolýy kerek», - dedi Qasym-Jomart Toqaev.
Memleket basshysynyń paıymynsha, Qazaqstan úshin bul oıdan shyǵarylǵan dúnıeler men jasandy kategorııalar emes.
«Bul bizdiń tarıhymyz, búginimiz jáne bolashaǵymyz. Bizde ultymyzdyń birligin, azamattardyń dostyǵyn, toleranttylyǵy men otanshyldyǵyn kórsetetin shynaıy mysaldar bar. Assambleıa men onyń músheleriniń áleýmettik jelilerde beıbitshilik pen kelisim ıdeıalaryn keńinen nasıhattap, arandatýshylyqqa jedel den qoıyp, birligimizdi qorǵap jatqany qýantady», - dedip Prezıdent.
Aıta keteıik, Prezıdent Qasym-Jomart Toqaevtyń qatysýymen Qazaqstan halqy Assambleıasynyń HHHІІ sessııasy ótip jatyr.
