Plombylanǵan eń kóne tis 100 jyl boıy ıtalıandyq murajaıda eleýsiz jatqan
ASTANA. 24 qyrkúıek. QazAqparat - Plombylanǵan ejelgi tis Italııa men Avstralııanyń halyqaralyq zertteý tobymen tabylǵan bolatyn,
dep habarlaıdy New Scientist. Bul jumystyń avtorlarynyń biri Klaýdıo Týnıtstiń aıtýynsha, plombylaý izderi bar tis tasqa aınalǵan jaq súıeginde anyqtaldy. Ony arheologtar 20 ǵasyrdyń basynda, qazirgi Slovenııanyń aýmaǵynda tapqan edi.
24-30 jas aralyǵyndaǵy er adamnyń tómengi jaq súıegi osy ýaqytqa deıin Trıest qalasyndaǵy ıtalıandyq murajaıda jatqan. Radıokómirtekti merzimdi anyqtaý ádisi arqyly tasqa aınalǵan súıektiń jasy shamamen 6,5 myń jyldy qurap otyr.
