«Platon adamdardy tańdaýlylar men quldar dep ekige bólgen»- respýblıkalyq basylymdarǵa sholý
ASTANA. Jeltoqsannyń 8-i. /QazAqparat/ - Qazaq aqparat agenttigi respýblıkalyq basylymdarda jeltoqsannyń 8-i, seısenbi kúni shyqqan ózekti materıaldarǵa sholýdy usynady.
Ótken senbi kúni Memleket basshysy Nursultan Nazarbaev Kúlásh Baıseıitova atyndaǵy opera jáne balet teatrynda ótken kórnekti jazýshy Ábish Kekilbaıulynyń 70 jyldyq mereıtoıyna arnalǵan saltanatty keshke qatysyp, qalamgerdi quttyqtady. «Egemen Qazaqstan» basylymynyń búgingi sanyndaǵy «Qazaqta osyndaı azamattar kóp bolsa eken!» degen taqyryppen berilgen maqala qalamgerdiń mereıtoıyna arnalypty.
Osy taqyryptaǵy maqalany «Aıqyn», «Astana aqshamy» basylymdarynan da oqı alasyzdar.
«1990 jyldyń basynda Máskeýdegi KGB-dan - KSRO Memlekettik qaýipsizdik komıtetinen - Keńes Odaǵy Joǵarǵy soty Áskerı alqasynyń kóshpeli sessııasy úkimimen atylǵan qazaqstandyqtardyń bes júzden astam alǵashqy úlken bir tobynyń tizimin alýǵa qol jetkizgen bolatyn. Sol tizimnen Sanjar Asfendııarovtyń 1938 jylǵy 25 aqpanda atylǵany belgili boldy. Sanjar esimi tizimde úshinshi bolyp turǵan edi», dep jazǵan atalmysh basylymnyń «Tulǵa» aıdarymen berilgen maqalasy «Qaıratker jáne ǵalym» degen taqyryppenSanjar Asfendııarovtyń týǵanyna 120 jyl tolýyna oraılastyrylǵan.
Uly kórshimiz - Qytaı memleketiniń qazirgi basshysy týraly árkimniń-aq bilgisi keletini anyq. «Egemen Qazaqstan» basylymynyń búgingi sanyndaǵy «Erteńine senimdi eldiń búgingi basshysy» degen taqyryppen berilgen maqala Hý Tszıntaonyń ómir joly men onyń saıası kelbeti týraly jazypty.
***
«Keshe Úkimet basshysy Kárim Másimov pen Astana ákimi Imanǵalı Tasmaǵambetov Astana mańyna ornalasqan, amerıkalyq «Djeneral elektrık» kompanııasynyń ozyq tehnologııalaryn paıdalanatyn TMD keńistigindegi birinshi Lokomotıv qurastyrý zaýytynan shyqqan 5- býyndaǵy «Evolıýshn» serııasyndaǵy tuńǵysh, úr jańa teplovozdyń tusaýkeser saltanatyna qatysty». Tolyǵyraq «Aıqyn» basylymynyń búgingi sanyndaǵy «Tuńǵysh otandyq teplovoz tusaýyn kesti» degen maqalaǵa nazar aýdaryńyz.
Osy taqyryp «Egemen Qazaqstan», «Astana aqshamy» gazetteriniń nazarynan da tys qalmapty.
«Baspananyń zaryn tartyp júrgen keıýana Almatynyń qaq ortasynda da bar eken. Aq qar, kók muzda barar jer, basar taýy joq dalada qańǵyp qalǵan Ájibekova Uldana esimdi taǵy bir keıýana Almatynyń ortalyǵyndaǵy ıesiz qalǵan bir dúńgirshekti kishkentaı jıenimen birge jyldar boıy panalap keledi. Uldananyń jaǵdaıymen tanysa kele, biz shynashaqtaı Ramazandy aıap kettik...»,- dep jzǵan «Aıqyn» basylymynyń búgingi sanyndaǵy kelesi maqala «Kóshede qańǵyp qaldy, qart keıýana...» degen taqyryppen panasyz qalǵan ananyń daǵdyryna nazar aýdarypty.
Osy basylymnyń dástúrli «Aq sóıle» aıdarymen berilgen «Mamandyq tańdaý» mektepterde mindetti pán bolýy kerek» degen taqyryptaǵy suhbatta «Eńbek bırjasy» mekemesiniń dırektory Bataı Qabylov «Jol kartasynyń» iske asyrylý barysy jóninde, «Dıplommen - aýylǵa» jobasynyń júzege asyrylýy jaıynda jáne basqa da ózekti máseleler tóńireginde oı órbitedi.
Sonaı-aq basylymnyń «Tanymal ánniń tarıhy» aıdarynda «Kelin tústi, joly ǵoı burynǵynyń...»,- dep aıtylatyn ánniń tarıhy tanystyrylypty.
***
Qazaqstan Respýblıkasynyń Prezıdenti Nursultan Nazarbaevtyń halyqpen tikeleı jeli arqyly tildesýi barysynda elordanyń tynys-tirshiligine qatysty óte kóp saýaldar tústi. «Astana aqshamy» gazetiniń búgingi sanynda osy saýaldar tóńireginde Astana qalasynyń ákimi Imanǵalı Tasmaǵambetov jaýap beripti.
«Astana qazaǵy araq ishpeıtin, ishse de aqyn Omardyń aıtqanyndaı «shamamen» ishetin, temeki shekpeıtin kitaphanaǵa baratyn, qazaq gazet-jurnaldaryn jazdyryp alyp oqıtyn, teatrǵa baratyn, ondaǵy akterlardyń oıynynan falsh baıqaı alatyn jáne jóndeýdi talap etýden tartynbaıtyn, demalysyn durys úılestiretin bolyp qalyptassa deımin»,- deıdi ekonomıka ǵylymdarynyń doktory, professor Myrzageldi Kemel «Astana aqshamy» gazetine bergen suhbatynda. Professordyń qoǵamdyq ómir tóńireginde oılarymen bóliskińiz kelse, basylymdaǵy «Platon adamdardy tańdaýlylar men quldar dep ekige bólgen» taqyrybymen berilgen suhbatqa nazar aýdaryńyz.
«Júsipbek Arystanov nege Brejnevke hat jazǵan?». Osyndaı saýalǵa qurylǵan atalmysh basylymdaǵy kelesi maqala Stalındik qýǵyn-súrgin naýqany kezinde qýǵynǵa ushyraǵan, 1937 jyldyń sáýirinen 1938 jyldyń maýsymyna deıin «Sotsıalıstik Qazaqstan» gazetiniń redaktory qyzmetin atqarǵan Júsipbek Arystanovtyń ómirine toqtalypty.
***
«Eńbek eri - eldiń eri» - osyndaı taqyryp arnaǵan «Kazahstanskaıa pravda» jazýshy Á. Kekilbaıulynyń 70 jyldyq mereıtoıyna nazar aýdaryp, bul sharaǵa Elbasynyń kelip qatysqanyn jazady. Memleket basshysy jazýshynyń memlekettik saıası qaıratker retindegi eńbegin joǵary baǵalap, «Qazaqstannyń eńbek eri» ataǵymen marapattap, keýdesine Altyn juldyz taqqanyn aıtady.
Qazaqstan da «qus tumaýy» men «shoshqa tumaýyna» qarsy óz vaktsınasymen qarýlanýy múmkin. Bul týrasynda bilgińiz kelse, «Komsomolskaıa pravda-Kazahstan» gazetin qarańyz. Onda Bilim jáne ǵylym mınıstrliginde keshe osy vaktsınalardy tanystyrý rásimi ótti.
«Ekspress-K» gazeti Qazaqstannyń dıabet naýqastaryna qatysty problemany qozǵaǵan. Gazettiń jazýynsha, densaýlyq saqtaý salasynyń sheneýnikteri «artyq tóleýdiń qajeti qansha?» qaǵıdasymen osy syrqattarǵan arnalǵan dári-dármekti eń tómengi baǵamen satyp almaq. ıAǵnı, memleketke eń tómengi baǵa usynǵan fırmanyń ónimderi ǵana alynbaq. Osyǵan baılanysty QR Dıabetıkter qaýymdastyǵynyń prezıdenti Natalıa Týkalevskaıa óz ýájin alǵa tartyp otyr.
