Platını FIFA prezıdenti saılaýynan óziniń kandıdatýrasyn alyp tastady
ASTANA. QazAqparat - Eýropalyq fýtbol qaýysmdastyqtary odaǵynyń ( (ÝEFA) burynǵy basshysy Mıshel Platını Halyqaralyq fýtbol federatsııasynyń prezıdenti (FIFA) oryntaǵyna odan ári kúresýden bas tartty, dep habarlady 7 qańtarda, beısenbi kúni Associated Press.
"Men FIFA prezıdenti oryntaǵyna dodadan shyǵamyn», - dep málimdedi Platını. Onyń aıtýynsha, budan ári basqa úmitkerlermen teń dárejede kúresýiniń múmkindigi joq.
«Platını Sporttyq tórelik sotynda (CAS) óz esimin aqtap alýǵa úmittenetinin atap kórsetti. Ol sońǵy úsh aı ózi úshin qıyn kezeń boldy dep sanamaıdy. «Men buǵan fılosofııalyq turǵydan qaraımyn: kúteıik, ne bolatynyn, sosyn kórermiz. Ádiletsizdik maǵan jat, men onymen kúresýge tyrysamyn», - dedi sport sheneýnigi.
21 jeltoqsanda FIFA-nyń etıka jónindegi tórelik komıteti Platınıdi uıym prezıdenti Iozef Blattermen birge fýtbol qyzmetinen segiz jylǵa alastady.
Blatter men Platınıden sybaılas jemqorlyqqa aıyptaýlar alynyp tastaldy, degenmen olar FIFA etıkasy kodeksiniń tarmaqtaryndaǵy basqa da buzýshylyqtarǵa kináli dep tanyldy. Olardyń arasynda usynystar jáne syılyqtar qabyldaý, múddeler janjaly, jalpy mnez-qulyq erejeleri bar. Sheneýnikter endi Sporttyq tórelik sotyna apellıatsııa berýlerine quqyly.
Qazan aıynyń basynda FIFA-nyń etıka jónindegi komıteti Blatter men Platınıdi qyzmetterinen bosatý jáne 90 kúnge deıin kez kelgen fýtbol qyzmetinen alastaý jóninde sheshim qabyldaǵan bolatyn. Osy sheshimge deıin Platını 2016 jyldyń 26 aqpanyna josparlanǵan FIFA prezıdenti saılaýyna qatysýǵa ótinim bergen.
Saılaý komıssııasy odan barlyq sanktsııalar alynyp tastalmaıynsha frantsýzdyń kandıdatýrasyn qaramaıtyndyǵyn málimdedi, dep habarlady Lenta.rý.
