Plastıkti «jeıtin» bakterııalar tabyldy - ǵalymdar
ASTANA. QazAqparat - Japonııalyq ǵalymdar plastıkti jeıtin bakterııalardy anyqtady. Olardy osyndaı qaldyqtardy qaıta óńdeýge paıdalaný joldary izdestirilýde.
Bul úderis kópke sozylady, alaıda mamandardyń paıymynsha, Ideonella sakaiensis kómegimen plastık qoqysymen kúresýdiń jańa qaýipsiz ádisterin qurastyrýǵa bolady.
2013 jyly shamamen 56 mln tonna PET (polıetılentereftalat negizindegi plastık)ónim óndirildi. Olardyń jartysy ǵana paıdaǵa asyrylady. Bul materıal qorshaǵan orta úshin qaýipti. Bir plastık bótelke tabıǵatta 450 jylda ydyraıdy, al muhıtta bul úderis tezirek júredi, alaıda ol sýdyń hımııalyq lastanýyna ákeledi.
Ǵalymdardyń oıynsha, bakterııalar keı máselelerdi sheshe alady. Ideonella sakaiensis PET-plastıktiń 250 jobasyn synaý kezinde tabyldy. Bakterııalar jasandy materıaldy azyqqa aınaldyratyn enzımderdi paıdalanatyny belgili boldy. Juqa PET-plenkany «joıýǵa» alty apta qajet boldy. Alaıda sapaly ónimdi ydyratýǵa áldeqaıda kóp ýaqyt kerek.
