Plastıkke qarsy kúres: «Jasyl Arystan» qazaqstandyqtardy eko-ıdeıalarmen bólisýge shaqyrady
NUR-SULTAN. QazAqparat - Plastıkti tutynbaý, eko-bastamalardy qoldaý, plastıkalyq qaldyqtarmen kúres boıynsha halyqaralyq tájirıbeni zertteý. Elimizdegi jańa aýqymdy eko-joba osyndaı maqsattardy kózdeıdi. Bul týraly Ortalyq kommýnıkatsııalar qyzmetinde ótken saraptamalyq brıfıngte «Jasyl Arystan» JQ basqarma tóraıymy Gúlnar Erejepova habarlady.
Qazirdiń ózinde halyqaralyq uıymdarmen «plastıkalyq indettiń» aldyn alý úshin memlekettik deńgeıde sharalar júıesin engizý qajet ekendigin túsindirý úshin dıalog ornatyldy. Sondaı-aq, eko-rolıkter ázirlep, túrli medıa alańdarda translıatsııalaý josparlanyp otyr. Sondaı-aq, qoqysty qarapaıym suryptaý boıynsha sheberlik synyptary uıymdastyrylady.
«Qazaqstan halqy arasynda ıdeıalar usyný boıynsha 2 aılyq Hakaton ótkizý de josparda bar. Eń úzdik eko-bastamalar beıindik uıymdardyń qoldaýyn tabady jáne ony múddeli tulǵalar, metsenattar iske asyrady dep oılaımyz. Bul elimizde shaǵyn jáne orta kásipkerlikti jáne eko-ındýstrııany odan ári damytýǵa áser etedi. Osylaısha, jobany ekige bólýge bolady: aǵartýshylyq jáne ınfraqurylymdyq», - dep atap ótti Qor basshysy.
