Plastıkalyq ota jasatqan qytaılyqtar eline qaıta almaı otyr
ASTANA. QazAqparat - Ońtústik Koreıaǵa baryp plastıkalyq operatsııa jasaǵan úsh qytaılyq qyz elderine qaıta almaı otyr, dep habarlaıdy Daily Mirror.
Atalǵan basylymnyń jazýyna qaraǵanda, qytaılyqtar Ońtústik Koreıaǵa kelip, operatsııa jasatqan. Sosyn elderine qaıtpaq bolǵan kezde olardy Koreıa áýejaıynyń qyzmetkerleri ustaǵan. Óıtkeni olardyń qazirgi kelbeti tólqujattaryndaǵy sýretterge múlde sáıkespeıdi. Áýejaı qyzmetkerleri olardy tanı almaı otyr. Qytaılyq qyzdardyń betteri dákemen oralǵan, onyń ústine betteri qatty isip ketken.
Aıta ketken jón, Ońtústik Koreıadan eline jete almaı otyrǵan qyzdardyń sýretteri qytaılyq áleýmettik jelide qyzý talqylanýda.
Basylym qyzdardyń odan keıingi jaǵdaılary týraly habarlaǵan joq.
