Plastıkalyq hırýrgııa klınıkalaryna lıtsenzııa berý tártibi ózgerýi múmkin
ASTANA. KAZINFORM — Densaýlyq saqtaý mınıstrligi plastıkalyq hırýrgııa klınıkalaryna lıtsenzııa berý tártibin ózgertýdi josparlap otyr. Usynysqa sáıkes, plastıkalyq hırýrgııa qyzmetin kórsetetin medıtsınalyq uıymdarǵa beriletin lıtsenzııanyń qoldanylý merzimi bes jylmen shektelip, keıin qaıta tekserý júrgizilýi múmkin. Bul týraly Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıteti agenttiktiń resmı saýalyna bergen jaýabynda málim etti.
— Plastıkalyq hırýrgııa qyzmetin kórsetetin medıtsınalyq uıymdar úshin lıtsenzııanyń bes jyldyq merzimin engizý usynylyp otyr. Tıisti zańnamalyq túzetýler 2026–2030 jyldarǵa arnalǵan medıtsınalyq kómektiń sapasyn basqarý júıesin jetildirý jónindegi keshendi jospar aıasynda pysyqtalyp jatyr. Bul shara talaptarǵa sáıkes kelmeıtin medıtsınalyq uıymdardy anyqtaýǵa jáne klınıkalardyń qaýipsizdik talaptaryn saqtaý deńgeıin turaqty baǵalaýǵa múmkindik beredi, — delingen komıtet jaýabynda.
Qazaqstanda qansha plastıkalyq hırýrgııa klınıkasy jumys isteıdi
Komıtet málimetinshe, qazirgi ýaqytta «Plastıkalyq hırýrgııa» kishi túri boıynsha lıtsenzııasy bar 295 medıtsınalyq uıym jumys isteıdi. Onyń 247-si jeke menshik sektorǵa, al 48-i memlekettik sektorǵa tıesili.
Budan bólek, 2 829 medıtsınalyq uıymnyń dermatokosmetologııa jáne plastıkalyq hırýrgııa baǵytynda qyzmet kórsetýge lıtsenzııasy bar.
Klınıkalarǵa qandaı talap qoıylady
Plastıkalyq hırýrgııa ortalyqtarynyń qyzmeti «Halyq densaýlyǵy jáne densaýlyq saqtaý júıesi týraly» kodekspen, Kásipkerlik kodekspen jáne Densaýlyq saqtaý mınıstriniń 2020 jylǵy 3 jeltoqsandaǵy №QR DSM-230/2020 buıryǵymen retteledi.
Qoldanystaǵy negizgi talaptar mynalar:
• «Plastıkalyq hırýrgııa» baǵyty boıynsha memlekettik lıtsenzııa men oǵan qosymshanyń bolýy;
• dárigerlerdiń tıisti biliktiligin rastaıtyn qoldanystaǵy sertıfıkattarynyń bolýy;
• jalpy anestezııa qoldanylatyn operatsııalarǵa bilikti anestezıolog-reanımatologtardyń qatysýy;
• sanıtarııalyq talaptarǵa saı operatsııalyq bólmelerdiń, medıtsınalyq jáne reanımatsııalyq jabdyqtardyń bolýy;
• operatsııa aldyndaǵy tekserý, patsıentterdi qabyldaý jáne operatsııadan keıingi baqylaý talaptaryn saqtaý;
• medıtsınalyq qujattardy talapqa saı júrgizý jáne patsıenttiń yqtımal qaýipter men asqynýlar týraly habardar etilgen kelisimin rásimdeý.
Eske salaıyq, buǵan deıin 2023–2025 jyldar aralyǵynda plastıkalyq hırýrgııa klınıkalaryna qatysty 244 shaǵym túskeni habarlanǵan bolatyn. Jospardan tys tekserýlerdiń qorytyndysy boıynsha Densaýlyq saqtaý mınıstrligi tórt adamnyń qaza bolý deregin jáne patsıenttiń densaýlyǵyna aýyr zııan keltirýdiń bir jaǵdaıyn anyqtaǵan.
Sondaı-aq mamyr aıynda plastıkalyq operatsııadan keıin bolǵan eki qaıǵyly jaǵdaı qoǵam nazaryn aýdardy.
21 mamyrda Almatyda bloger ári kásipker Saýle Bazarhannyń jergilikti jansyzdandyrý arqyly jasalǵan lıposaktsııa kezinde kóz jumǵany belgili boldy.
Al 22 mamyrda Mańǵystaý oblystyq máslıhatynyń burynǵy depýtaty Erbol Aıtýovtyń ıek tusyndaǵy artyq maıdy alý operatsııasynan keıin kóz jumǵany habarlandy.
