Plastık shólmekterden jasalǵan qaıyqqa mingen jıhankez Tynyq muhıtyn kesip ótti
ASTANA. Shildeniń 27-si. QazAqparat - Ataqtary jer jarǵan mıllıarder áýletiniń ókili Devıd Rotshıld plastık shólmekterden jasalǵan qaıyqpen Tynyq muhıtyn kesip ótti. 4 aıǵa sozylǵan saıahattyń barysynda 31 jastaǵy amerıkandyq pen ekıpaj músheleri 8 myńdaı teńiz mılin quraıtyn joldy - San-Frantsıskodan Sıdneıge deıingi aralyqty eńserdi,
dep habarlaıdy ITAR-TASS agentigi.
Júrek jutqan jıhankezder komandasynyń baspasóz hatshysy Kım MakKeı hanymnyń aıtýynsha, qaýip-qaterge toly bul teńiz saparynyń negizgi maqsaty jurtshylyqtyń nazaryn qorshaǵan ortanyń lastaný problemalaryna aýdarý bolǵan.
«Plastık» dep atalǵan 20 metrlik katamarannyń «ereksheligine» toqtalǵan MakKeı hanym, qaıyqtyń machtasy - eski ırrıgatsııalyq qubyrdan, al kaıýtasy, palýbasy men jelkeni óńdelgen plastıkten jasalǵanyn aıtyp ótti. 12,5 myń plastık shólmekten qurastyrylǵan qaıyqtyń júzgishtigin arttyrý úshin shólmekter kómirqyshqyl gazymen toltyrylǵan.
«Plastık» katamarany endi bir aı boıy Sıdneıdegi Ulttyq teńiz murajaıyna qoıylady.
