Plasıdo Domıngonyń qatysýymen qoıylatyn operaǵa bılet satý toqtatyldy
«Astanada Plasıdo Domıngonyń jetekshiligimen halyqaralyq mártebeli vokaldyq konkýrstardyń biri «Operalııa» opera ánshileri baıqaýynyń aqtyq syny ótedi. Qurmetti maestro Domıngonyń ózi Djýzeppe Verdıdiń «Travıata» operasynda óner kórsetetin bolady. Alfred partııasyn bizdiń talantty solıstimiz Medet Shotabaev, al Vıolettaeny tanymal opera ánshisi Marına Rebekka oryndaıdy. Aıta keterligi, suranystyń óte joǵary bolýyna baılanysty biz bılet satýdy ýaqytsha toqtattyq», - dedi mınıstr.
Onyń sózine qaraǵanda, bıletterdiń birazy EKSPO aıasynda ótetin túrli forým qatysýshylaryna arnaıy saqtalynatyn bolady.
«Sol aralyqta túrli iri sammıtter men forýmdardyń ótetindigin eskere kele bıletterdiń biraz bóligin atalǵan forýmǵa qatysýshylarǵa josparlap otyrmyz. Qazirgi ýaqytta atalǵan merzimde qosymsha qoıylym qoıý máselesin La Skala teatrymen jáne Plasıdo Domıngomen talqylaýdamyz», - dedi Arystanbek Muhamedıuly.
