Planshette kóp oınaǵan bala jazý daǵdysynan aıyrylady - ǵalymdar
ASTANA. QazAqparat - Zamanaýı gadjetterdiń balanyń damýy men densaýlyǵyna áserin zertteý qazirgi ǵalymdardyń basty nazarynda. Búgin, mine ata-anaǵa oı salar taǵy bir zertteý nátıjesi The Telegraph basylymyndaǵy brıtandyq muǵalimder qaýymdastyǵynyń maqalasynda jarııalandy.
Olardyń málimdeýinshe, planshetti kompıýterde uzaq ýaqyt boıy otyrǵan bala ekinshi kúni sabaqty zeıin qoıyp tyńdamaıdy, qala berdi kádimgi qaǵazǵa jazý daǵdysynan aıyryla bastaıdy. Mamandardyń sózine sensek, planshette kóp oınaǵan bala sabaqta sony ańsap otyrady. ıAǵnı soǵan degen táýeldilik balanyń oıyna maza bermeıdi. Oǵan qosa, túrli tústi dıspleıge qarap úırengen bala aq qaǵazdaǵy kók sııaǵa, kitaptaǵy jazýǵa kóz toqtaýy qıynǵa soǵady. Soǵan baılanysty mamandar ata-analarǵa balalaryn qadaǵalaýdy eskertedi. Al túnde jatarda úıdegi Wi-Fi jelisin óshirip qoıǵan jón deıdi.
