Planetanyń árbir júzinshi turǵyny - bosqyn

NUR-SULTAN. QazAqparat - Planetanyń árbir júzinshi turǵyny - bosqyn. Olardyń sany sońǵy onjyldyqta eki esege ósti jáne búginde 82 mıllıonnan asyp otyr, dep habarlaıdy QazAqparat Euronews-ke silteme jasap.

BUU esebinde mıgranttardyń kóp bóligi «ishki qonys aýdarýshylar», ıaǵnı óz elderinde bosqyndarǵa aınalǵandar ekeni atap ótilgen

BUU-nyń bosqyndar isi jónindegi joǵarǵy komıssary Fılıppo Grandıdiń aıtýynsha, kóshi-qon máselelerine qaraǵanda, ishki qonys aýdarýshylar túıtkilderin sheshý qıyn, óıtkeni olar qarýly qaqtyǵys jaǵdaıynda tirshilik keship jatyr. «Iemen týraly, Tıgraı týraly, Aýǵanstan týraly oılańyz. Trend, odan ári ósý tendentsııasy bar Bul bizdi qatty alańdatady. Osy esepte ishki qonys aýdarýshylar sany shamamen 50 mıllıonǵa jýyqtady», -deıdi ol.

Bosqyndardyń kópshiligi - sırııalyqtar. Olardyń sany 6,8 mln. Ekinshi orynda - -palestınalyqtar, úshinshi orynda - venesýelalyqtar. Ońtústik Sýdanmen jáne Mıanmamen birge osy bes eldiń azamattary bosqyndardyń úshten ekisin quraıdy.

Al, álemdegi mıgranttardyń 42% -y kámeletke tolmaǵan balalar bolyp otyr.