Planetada joıqyn geosaıası daýyl bastaldy – Qasym-Jomart Toqaev
«Qazirgi ýaqytta planetada joıqyn geosaıası daýyl bastaldy. Sondyqtan biz egemendikti jáne memlekettiń aýmaqtyq tutastyǵyn qorǵaýǵa, halqymyzdyń túpki múddelerin qamtamasyz etýge baǵyttalǵan strategııalyq baǵytty ustanýymyz kerek. Mine, eń mańyzdy mindet osy. Biz ózimizdiń basty ıgiligimiz – Táýelsizdigimizdi saqtaýǵa, ulttyq biregeılik negizderin nyǵaıtýǵa, elimizdi transformatsııalaýǵa jumylýymyz kerek. Bul bizdiń bolashaq urpaq aldyndaǵy qasıetti paryzymyz», - Qasym-Jomart Toqaev.
Óz sózinde Prezıdent qazir saıası tosqaýyldardy kóteretin, ár sebep boıynsha mıtıngiler uıymdastyryp, kúmándi sheshimderdi talap etip, úzildi-kesildi talaptar qoıatyn, óz mindetterin oryndaıtyn polıtsııa qyzmetkerlerine bas salatyn kez emestigin aıtty.
«Qańtardaǵy qaıǵyly oqıǵalar bizdiń elimizdiń bedeline aıtarlyqtaı nuqsan keltirdi. Muny moıyndaý kerek. Retsiz saıası reformalar memlekettiń álsireýine, onyń egemendigi men tutastyǵy úshin aýyr zardaptarǵa ákelýi múmkin. Buǵan álem tarıhyndaǵy burynnan kele jatqan jáne jaqynda bolǵan kóptegen mysaldar bar: keı elder óz terrıtorııasynyń úlken bóligin joǵaltty, haos pen anarhııanyń ıirimine batty. Jańa Qazaqstandy qurý baǵyty eldiń damý paradıgmasyn ózgertýge baǵyttalǵan. Biz ár qadamdy oılastyryp, belgilengen jolmen nyq júremiz. Jańa Qazaqstanda «Túrli kózqarastar, biraq birtutas ult» pikirin ustanýymyz kerek», - dedi Q. Toqaev.
