Planeta jáne klımattyń jahandyq damý ındeksi jarııalandy
NUR-SULTAN. QazAqparat - Ǵalymdar planeta jáne klımattyń jahandyq damý ındeksin jarııalady. Onda memleketterdiń ekologııalyq problemalardy sheshýge áseri men qaıta qalpyna keltiretin energııany paıdalaný kósretkishi eskerilgen, dep jazady VVS basylymy.
«Jahandaný zamanynda barlyq memleketter jalpy júıege áser etpeı qoımaıdy. Bul ındeks memleketterdiń jalpy adamzatqa áserin kórsetedi», dep jazady basylym.
Avtordyń aıtýynsha, alǵash ret júrgizilgen reıtıngte alǵashqy ondyqqa Eýropa memleketteri shyqqan.
«Birinshi orynda Norvegııa tur. Bul memleket álem boıynsha elektromobılder engizýden alda keledi. Úkimet 2030 jylǵa deıin túrli baǵdarlamalar qabyldap, kóptegen ekologııalyq bastamalardy qolǵa alǵan. Eýropa komıssııasy 2019 jyly Oslony Eýropanyń eń jasyl astanasy retinde tanyǵan bolatyn», dep jazady basylym.
Avtordyń jazýynsha, Novregııadan keıin reıtıngte Shveıtsarııa, Portýgalııa, Slovenııa, Kıpr, Fınlıandııa, Shvetsııa, Germanııa, Horvatııa men Slovakııa tur.
