Plagıat, para, qupııalyq: Ǵalymdarǵa qoıylatyn ádep úlgileri jarııalandy
ASTANA. KAZINFORM – Ǵylym jáne joǵary bilim mınıstrligi ǵylymı ádep úlgileri týraly buıryq jobasyn kópshilik talqylaýyna shyǵardy.
Qazaqstan aýmaǵynda jumys isteıtin ǵalymdarǵa qoıylatyn ádep úlgileriniń qaǵıdaty «Ǵylym jáne tehnologııalyq saıasat týraly» Zańnyń talaptarynan týyndap otyr. Usynylyp otyrǵan ǵylymı ádep úlgileri 11 prıntsıpten turady. Onyń ishinde árbir ǵalym ǵylymı zertteý qorytyndysy boıynsha usynyp otyrǵan málimdemesiniń gıpoteza ekenin, ishinara nemese tolyq dáleldengen ereje ekenin ashyp kórsetý kerektigi aıtylǵan.
«Buryn oryndalǵan zertteýler men jarııalanǵan nátıjelerdi jańa zertteýler retinde usynýǵa jol berilmeıdi», - dep jazylǵan.
Al zertteý nysany retinde adamdar men janýarlar tartylsa, bıoetıka jónindegi komıssııanyń maquldaýyn alý qajet. Qujatta ózge ǵalymdar men zertteýshilerdi kemsitip, qýdalaý da ǵylymı ádepke jat ekeni aıtylǵan.
«Ulttyq ǵylymı, dıssertatsııalyq keńester men komıssııa músheleriniń, sarapshylar men retsenzentterdiń obektıvtiligine áser etýi múmkin áreketterge jol berilmeıdi», - dep jazylǵan buıryq jobasynda.
Sondaı-aq, ǵylymı ádep qaǵıdaty zertteý barysynda alynǵan qupııa aqparatty taratýǵa jol bermeıtini atap kórsetilgen.
