Pııaz eksportyna tyıym salynǵan joq - mınıstrlik

NUR-SULTAN. QazAqparat – Saýda jáne ıntegratsııa mınıstrligi áleýmettik jelilerde taraǵan pııaz eskportyna shekteý qoıý týraly aqparatqa túsinikteme berdi, dep habarlaıdy QazAqparat tilshisi.

«22 shilde kúni vedomstvoaralyq komıssııa otyrysynda pııaz baǵasynyń ósý máselesi qaraldy. Búgingi kúni pııaz eksportyna shekteý qoıylǵan joq. Keıbir óńirlerde pııaz baǵasy 360 teńgege deıin ósti. Osyǵan baılanysty vedomstvoaralyq komıssııa otyrysynda Aýyl sharýashylyǵy mınıstrligine, Saýda komıteti men oblys ákimdikterine baǵanyń ósý sebepterin anyqtaý tapsyrylǵan bolatyn», - dedi Saýda jáne ıntregratsııa mınıstrliginiń resmı ókili Álisher Ómirzaq.

Birneshe kún buryn Aýyl sharýashylyǵy mınıstrliginiń de pııazdy syrtqa shyǵarýǵa shekteý qoıý jónindegi usynysty qoldamaıtynyn habarlap edik.