Pııaz baǵasy qysta 500 teńgege barmaıdy – Saýda vıtse mınıstri

ASTANA. QazAqparat – Májilistegi Úkimet saǵatynan keıin BAQ ókilderiniń saýalyna jaýap bergen Saýda jáne ıntegratsııa birinshi vıtse-mınıstri Arman Shaqqalıev pııaz baǵasynyń qysta 500 teńgege deıin barmaıtynyn aıtty, dep habarlaıdy QazAqparat tilshisi.

Májilis kýlýarynda BAQ ókilderi aınalym shemasy baǵany turaqtandyrýdyń emes, aradaǵy deldaldardy baıytýdyń quralyna aınalyp bara jatqany týraly saýal qoıdy.

Vıtse-mınıstrdiń aıtýynsha, aınalym shemasy budan bylaı tek Qazaqstanda óndirilmeıtin ónimderge qoldanylady.

«Bıyl jáne osydan bylaı árdaıym bylaı istegeli otyrmyz. Áleýmettik mańyzy bar aýyl sharýashylyǵy taýarlaryn satyp alýǵa 100 mlrd teńge bólinetin bolsa, sonyń 70 paıyzy tikeleı óndirýshilerge baǵyttaımyz. 30 paıyz ónim ózimizde óndirilmeıdi nemese jetkiliksiz mólsherde óndiriledi. Osyndaı jaǵdaılarǵa ǵana aınalym shemasy qoldanylady. Biraq, oǵan qatysýshylar, eń bastysy, qatań mindetteme alady. Mysaly, men aqshany 5 paıyzben sizge beremin, siz ol aqshanyń taýardyń qunyna jáne qajetti kólemge aınaldyrasyz. Onyń ústine jyl boıynda baǵa sekirisi bolmaý kerek degen qatań mindetteme bolady», - dedi vıtse-mınıstr.

Sondaı-aq, ol pııaz baǵasy bıyl qysta 500 teńgee deıin qymbattamaıtynyn aıtty.

«Pııaz baǵasynyń ósetin kezi – qys. Ondaı bolmaý úshin myna ındıkatıvtik balans arqyly bizge qansha ónim kerek ekenin, qala turǵyndaryna qandaı qor kerek ekenin bilip otyrmyz. Bıyl qysta pııaz baǵasy 500 teńge bolmaıdy», - dedi Arman Shaqalıev.