Pıtondy tiri kúshiktermen jáne mysyqtarmen azyqtandyrǵan áıeldiń ústinen is qozǵaldy
ASTANA. QazAqparat - Ispandyq polıtsııa pıtonyn tiri kúshiktermen jáne mysyqtarmen azyqtandyrǵan Loha qalasy (Granada provıntsııasy) turǵynynyń ústinen qylmystyq is qozǵady.
Bul týraly International Business Times habarlady. Áıel ınternetke iri jylandy satatyny týraly habarlandyrý ornalastyrǵan. Ol haıýanattardy panalatatyn mekeme qyzmetkeriniń kózine túsedi. Bir qyzyǵy, habarlandyrýmen qosa jylannyń kúshikti býyndyryp jatqan fotosyn qosa salynǵan.
Álgi qyzmetker satyp alýshy retinde habarlandyrýda kórsetilgen telefon nómirine qońyraý shalady. Pıton ıesi oǵan jylanyn udaıy tiri mysyqtarmen, kúshiktermen jáne qustarmen azyqtandyratyndyǵyn aıtyp beredi.
haıýanattardy panalatatyn mekemeniń qyzmetkeri bul týraly Ispanııa Azamattyq gvardııasynyń janýarlardy qorǵaıtyn bólimine habarlaıdy.
Pıtonnyń ıesin tergeý jumystary bastaldy. Áıelge janýarlarǵa qatigezdik kórsetti degen kúdik keltirilýde.
Ispanııanyń qylmystyq zańnamasynda úı janýarlaryna jazyqsyz zııan keltirse nemese negizsiz óltirse, úsh aıdan bir jylǵa deıin túrmege otyrǵyzý jazasy qarastyrylǵan.
