Pitirdi SMS arqyly tóleýge bolady
ASTANA. 4 tamyz. QazAqparat - «Ozyq tehnologııanyń qoldanysqa enýi barlyq saladaǵy jumys júıesin jeńildetkeni belgili.
Bes paryzdyń biri - zeketti berýge asyqqan musylman jamaǵaty úshin úlken múmkindik týdy», - dep habarlaıdy Muslim.kz.
Endi Ksell jáne Aktıv baılanysyna qosylǵan abonentter de SMS arqyly Zeket tóleı alady. Búgingi kúnge deıin Bılaın telefony bar adamdar 2011 nómirine bos SMS joldaý arqyly 200 teńge Zeket qoryna sadaqa salý múmkindigi bolsa, endi Ksell jáne Aktıv abonentteri 2012 nómirine «zeket» nemese «zeket» sózin jazyp 220 teńge jibere alady.
Sondaı-aq Zeket qoryna OSMP nemese Kıvı tólem termınaldary arqyly da qarjy quıýǵa bolady. Mundaı termınaldardyń jumys júıesi bárimizge belgili. Bul - kúndelikti uıaly telefondarymyzǵa aqsha salyp júrgen, úlken dúkender men saýda ortalyqtarynda, janarmaı quıý beketterinde ornalasqan qurylǵy.
