Pıter Kýıllın Gennadıı Golovkınmen kezdesýge qarsy emes
ASTANA. QazAqparat - WBO nusqasy boıynsha ortasha salmaqtaǵy álem chempıony amerıkalyq Pıter Kýıllın WBA (Super)/IBO chempıony qazaqstandyq Gennadıı Golovkınmen kezdesýge qarsy emes ekenin málimdedi.
«Golovkın, men sekildi, álem chempıonyna saı jumys istep keledi. Rıngke shyqqan saıyn biz ózimizdiń úzdik ekenimizdi dáleldeýimiz kerek. Menińshe, Golovkınniń jeńisi onyń dál qazirgi ýaqytta úzdik ekenin dáleldep tur. Biz Gıldiń rezıýmesin bilemiz ǵoı. Sonymen birge, eger maǵan osyndaı múmkindik berse, men de birinshi orynda bolar edim. GGG-men jekpe-jek, bokstaǵy basqa kóptegen oqıǵalar sııaqty, múmkin nárse. Biraq men kelesi kezdesýdi kimmen ótkizgim keletinin tańdaý quqyǵy bolsa, onda men Mıgel Kottomen shyǵar edim. Men onyń kezdesýin 13 jeltoqsan kúni Madison Square Garden-da ótkizýdi josparlap otyrǵanyn estidim jáne men bizdiń kezdesýimiz úlken oqıǵa bolar edi dep oılaımyn. Kotto chempıon bolyp sanalady, ony jeńip óz kollektsııama jasyl beldikti qosýǵa qarsy emespin», - dep keltiredi Kýıllınniń sózin Tofight.ru. portaly.
Aıta keteıik, Gıldi jeńgen kezdesýden keıin Gennadıı Golovkınniń ózi kelesi kezdesýin Kýıllın jáne Kottomen ótkizgisi keletinin aıtty. Qazaqstandyq rıngke osy jyldyń qazany nemese qarashasynda qaıtyp kelýi múmkin.
