Pıter Foster Flyarystan bıleti qunyna qatysty pikir bildirdi

ASTANA. KAZINFORM – Flyarystan bıletteriniń baǵasy ózge elderdiń áýe kompanııalarymen salystyrǵanda básekege qabiletti. Bul týraly Májilistegi eldiń kólik-logıstıkalyq áleýetin damytýǵa arnalǵan Úkimet saǵatynda «Eır Astana» tobynyń basshysy Pıter Foster aıtty.

- Eń aldymen Air Astana kompanııalar toby monopolıst emestigin atap ótkim keledi. Óıtkeni, 2011 jyldan beri ishki mnopolııa joıyldy. Qazir lıtsenzııalanǵan 4 kompanııa jumys isteıdi. Olar: Air Astana group-qa kiretin Air Astana men Flyarystan, sonymen qatar Scat pen Qazaq air. Endigi ýaqytta ishki de, halyqaralyq reısterde de monopolııa joq. Osy jyldyń qarashasyna deıin FlyArystan 4,1 mln jolaýshy, onyń ishinde ishki baǵytta shamamen 3,8 mln, halyqaralyq baǵytta 270 myń jolaýshy tasymaldady. FlyArystan Air Astana-ǵa qaraǵanda ishki naryqtaǵy áldeqaıda iri operator sanalady. Sebebi Air Astana qazirgi ýaqytta negizinen halyqaralyq baǵyttardy damytýǵa basymdyq beredi, - dedi ol Májilis depýtattarynyń saýalyna oraı.

Sonymen qatar ol ushaq bıleti baǵasyna qatysty máselege toqtaldy. 

- Bıletti erterek alsań, soǵan oraı arzan bolady. Bılet baǵasy suranysqa da asa baılanysty. Sol sebepti demalys jáne mereke kúnderi baǵa joǵary bolady. Bul saladaǵy dınamıkalyq baǵa qalyptasýǵa baılanysty ári álemdik tájirıbe, - dedi Pıter Foster. 

Ol kompanııanyń barlyq shyǵystary negizinen dollarmen jumsalatyndyǵyn atap ótti. 

- Ádette áýe kompanııasynyń barlyq shyǵystarynyń 66,6 paıyzy dollarmen esepteledi. Ol - negizinen ushaqqa baılanysty shyǵystar. Árıne, kovıd kezinde salada kedergiler boldy. Sondaı-aq óndirýshiler úshin jetkizilim tizbeginde de problemalar boldy. Degenmen, jergilikti áýe kompanııasy retinde Flyarystan reısteriniń ortasha baǵasy ózge elderdiń áýe kompanııalary reısteriniń baǵasymen salystyrǵanda birshama básekege qabiletti dep sanaımyz, - dedi kompanııa basshysy. 

Buǵan deıin Májilis depýtat Edil Jańbyrshın Air Astana áýe kompanııasynyń qyzmetin synǵa alǵanyn jazǵan edik.