Pıt Hegset AQSh armııasynyń joǵary laýazymdy ofıtserin qyzmetinen bosatty
ASTANA. KAZINFORM – AQSh Qorǵanys mınıstri Pıt Hegset general Rendı Djordjdy armııa shtabynyń bastyǵy qyzmetinen bosatty, dep habarlaıdy Kazinform agenttiginiń Vashıngtondaǵy tilshisi.
AQSh Qorǵanys mınıstrliginiń ókili Shon Parnell Djordjdyń otstavkaǵa ketýin rastady.
– General Rendı A. Djordj armııanyń 41-shi shtab bastyǵy qyzmetinen dereý zeınetke shyǵady. Qorǵanys mınıstrligi general Djordjǵa elimizge jyldar boıy sińirgen eńbegi úshin alǵysyn bildiredi. Biz onyń zeınetkerligine sáttilik tileımiz, - dedi Parnell.
STATEMENT:
— Sean Parnell (@SeanParnellASW) April 2, 2026
General Randy A. George will be retiring from his position as the 41st Chief of Staff of the Army effective immediately. The Department of War is grateful for General George’s decades of service to our nation. We wish him well in his retirement.
Hegset 2023 jyldyń qyrkúıek aıynda Pentagondaǵy qyzmetine kirisken jáne buryn Baıden ákimshiligi kezinde qorǵanys mınıstri Lloıd Ostınniń aǵa áskerı kómekshisi Djordjdy qyzmetinen bosatýdy uzaq ýaqyt josparlap kelgen, dep habarlaıdy NBC News.
Djordj 2027 jyldyń jazynyń sońyna deıin qyzmet etýi tıis edi. Armııa shtab bastyǵynyń ketýi Donald Tramptyń Iranmen soǵysy jáne qurlyqtaǵy áskerı operatsııa barysynda boldy.
Hegset armııa shtaby bastyǵynyń orynbasary laýazymyna general Krıstofer Lanevti taǵaıyndaýy múmkin.
NBC News arnasynyń habarlaýynsha, beısenbi kúni Hegset taǵy eki generaldy: kapellalyq keńse bastyǵy general-maıor Ýılıam Grındi jáne armııany transformatsııalaý qolbasshylyǵynyń qolbasshysy general Devıd Hodndi jumystan shyǵardy.
Hegset jumystan shyǵarǵandardyń arasynda Birikken shtab bastyqtarynyń tóraǵasy general Braýn kishi, Kıberqolbasshylyq pen Ulttyq qaýipsizdik agenttiginiń basshysy Áskerı-áýe kúshteriniń generaly Tımotı Ho, Áskerı-teńiz kúshteriniń bastyǵy Lıza Franchettı jáne Jaǵalaý kúzetiniń komıssary admıral Lında Fagan da bar.
Buǵan deıin Tramp AQSh-tyń Bas prokýrory Pem Bondıdi qyzmetinen bosatqan edi.
