Pyshaq ala júgirgen: Almatyda jol ústinde tóbeleskender izdestirilip jatyr
ALMATY. KAZINFORM — Almatyda kóshe ortasynda tóbeles boldy.
Oqıǵanyń beınejazbasy áleýmettik jelide tarady.
Onda birneshe adamnyń bir-birine judyryq jumsaǵanyn kórýge bolady. Keıin er adamdardyń biri pyshaq shyǵaryp, ony ekinshi tarapqa ala júgiredi.
Qalalyq polıtsııa departamenti atalǵan derek boıynsha Alataý aýdandyq polıtsııa basqarmasy qylmystyq is qozǵaǵanyn habarlady.
— Qaqtyǵysqa qatysýshylardyń jeke basy anyqtaldy, olardy ustaý sharalary qabyldanyp jatyr. Árqaısysynyń áreketterine jan-jaqty tekserý júrgizilip, tergeý nátıjeleri boıynsha Qazaqstan Respýblıkasynyń zańnamasyna sáıkes quqyqtyq baǵa beriletin bolady, — dep habarlady departamentten.
Eske salaıyq, buǵan deıin Almatyda jol ústinde jalǵan tapanshamen janjal shyǵarǵan azamat ustalǵanyn jazǵanbyz.