PISA standarttary boıynsha Qazaqstanda eń tómengi kórsetkish Ońtústik Qazaqstan oblysyna tıesili - BǴM
ASTANA. QazAqparat - PISA standarttary boıynsha Qazaqstanda eń tómengi kórsetkish Ońtústik Qazaqstan oblysynyń enshisinde.
Bul týraly búgin ótken baspasóz máslıhatynda Bilim jáne ǵylym mınıstrligi mektepke deıingi jáne orta bilim berý departamentiniń dırektory Jańyl Jontaeva málim etti.
Onyń aıtýynsha, 2009 jáne 2012 jyldary Qazaqstan PISA (Programme for International Student Assessment - oqýshylardyń bilimin baǵalaıtyn halyqaralyq baǵdarlama) halyqaralyq zertteý jumystaryna qatysqan. Nátıjesinde 2009 jyly oqýshylardyń baly matematıka boıynsha bazalyq deńgeıden 59 paıyz, mátin oqý boıynsha 58 paıyz, jaratylystaný pánderinen 55 paıyzǵa tómen bolǵan. Al 2012 jylǵy zertteýler boıynsha matematıka men jaratylystaný salasy boıynsha birneshe paıyzǵa ósim baıqaldy.
«2012 jylǵy synaqtarǵa elimizdiń 200-ge jýyq mektebi men 18 kolledjinen 5800-deı 15 jasar balalar tańdalyp alynyp, atalmysh synaqqa tartyldy. Nátıjesinde eń jaqsy kórsetkishti Soltústik Qazaqstan, Shyǵys Qazaqstan, Qaraǵandy jáne Aqmola oblystarynyń balalary kórsetti. Al eń tómen nátıje Ońtústik Qazaqstan, Almaty jáne Qyzylorda oblystarynda», - dep atap ótti J. Jontaeva.
Onyń málimetinshe, úsh jyl saıyn ótetin synaqtar endi 2015 jyldyń sáýirinde bolady. Oǵan shamamen 6 myń oqýshy qatystyrylady dep josparlanǵan.
