Pırts-Mýsar saparymnyń basty maqsaty – ekonomıkalyq baılanysty nyǵaıtý

ASTANA. KAZINFORM – Slovenııa men Qazaqstan ornyqty damý men seriktestik qaǵıdattaryn qoldaıdy. Bul týraly Aqordada Memleket basshysy Qasym-Jomart Toqaevpen kelissózderden keıingi BAQ ókilderine arnalǵan birlesken málimdeme barysynda Slovenııa Prezıdenti Natasha Pırts-Mýsar atty.

– Búgingi kezdesýler, jalpy bul sapar Slovenııa men Qazaqstan arasyndaǵy qarym-qatynastyń jańa paraǵyn ashady dep oılaımyn. Eki el de ózara túsinistik pen qurmetke negizdelgen halyqaralyq quqyq, ornyqty damý men seriktestik qaǵıdattaryn qoldaıdy. Men buǵan rızamyn. Keleshekte de osy baǵytta jumys isteı beretinimizge senimdimin, – dedi Slovenııa Prezıdenti.

Sonymen qatar Natasha Pırts-Mýsar Slovenııanyń BUU Qaýipsizdik keńesiniń turaqty emes múshesi retindegi jumysyna qoldaý bildirip kele jatqan Qazaqstan tarapyna rızashylyǵyn bildirdi.

- Eýropalyq odaq Qazaqstannyń saýda jáne ekonomıkalyq seriktesi. Shyndyǵynda Qazaqstannyń Eýropalyq odaqpen qarym-qatynasy qarqyndy damyp kele jatyr. EO úshin de, Slovenııa úshin de Qazaqstan Ortalyq Azııadaǵy mańyzdy saýda-sattyq seriktesi. Bıyl elderimiz arasynaǵy saýda kólemi 160 mln dollardan asady dep kútemiz. Degenmen, bul kólemdi odan ary arttyra túsýge áleýmetimiz jetkilikti. Saparymnyń basty maqsaty – elderimiz arasyndaǵy ekonomıkalyq baılanysty nyǵaıtý, - dedi ol.

Buǵan deıin Memleket basshysy Qazaqstan-Slovenııa bıznes keńesin qurýdy usynǵan edi.