Pırotehnıkanyń zııany: Bala boıynyń ósýin, oılaý qabiletin tejep, isik aýrýlaryna ushyratady
«Pırotehnıkalardy kóp qoldanatyn da, jıi jaraqat alyp jatatyn da jasóspirimder ekeni belgili. Mundaı zattardan Jańa jyl merekesinde jasóspirimder kóbine denesiniń ashyq jerlerin jaraqattap alyp jatady. Pırotehnıka janǵan, jarylǵan kezinde shań, qoqys nemese tútin qospasy túrinde denemizge sińedi. Dem alǵan kezde tynys alý joldary, ókpe zaqymdanady. Asqazanǵa da áser etedi. Denege tıgen kezde terini qyshytyp, tipti kúıdirip jiberedi. Ásirese, jas balalardyń qalqansha bezine áseri jaman. Jalpy qalqansha bez balanyń boıyn ósiretin gormandardy bólip shyǵarady. Al pırotehnıka jarylǵan kezde bólinip shyǵatyn zattardyń bala boıynyń ósýine, oılaý qabiletine óte úlken zııany bar», - dedi ol.
Onyń aıtýynsha, pırotehnıkany óndrýshiler ol jarylǵan kezde ártúrli reńkke boıanýy úshin óte kóp zat qoldanady. Mysaly, alıýmınııdenn bastap synapqa deıingi zattar qoldanylýy múmkin. Al bul zattar joǵaryda atalǵan aýrýlarmen qatar isik aýrýlaryna da shaldyqtyrady.
«Sonymen qatar bul pırotehnıkalardyń jarylǵan kezdegi daýysy óte kúshti bolady. Máselen, adam qulaǵynyń estý normasy 85 detsıbel deıtin bolsaq, pırotehnıkalardyń jarylǵan kezdegi daýysy 150-170 detsıbelge deıin jetedi. Tipti 120 detsıbeldiń ózinde qulaqqa aýyrlyq týyndatady. ıAǵnı, mundaı pırotehnıkalardyń adam aǵzasyna zııany kóp ekendigin bile júrýimiz kerek», - dedi Jeleýhan Pirimqulov.