Pırotehnıkany paıdalaný erejesin saqtańyz
ASTANA. 28 jeltoqsan. QazAqparat - Astana qalasy ІІD lıtsenzııalyq-ruqsat berý júıesi qyzmetkerleri Tótenshe jaǵdaılar departamenti qyzmetkerlerimen birge pırotehnıkalyq zattar men buıymdardy zańsyz satý
jáne olardy qoldanýdyń jolyn kesý jónindegi aldyn alý is-sharalaryn júrgizdi, dep habarlady Astana qalalyq ІІD-niń baspasóz qyzmetinen.
Elordanyń resmı saıtynyń jazýynsha, Astana qalasy aýmaǵynda kelesi zańdy tulǵalardyń ǵana azamattyq pırotehnıkalar men 1 jáne 2-sanattaǵy buıymdardy satýǵa ruqsaty bar. Olar: «Qazaqstan Salıýt» JShS, «STıK» JShS, «Astana Salıýt».
Polıtsııa júrgizgen reıdter barysynda zańsyz pırotehnıkalar men ony qoldanatyn buıymdardy satýdyń 4 faktisi anyqtaldy. Zańsyz saýdadan 439 dana pırotehnıka quraly men ony paıdalanatyn buıymdar alyndy. QR Ákimshilik Kodeksiniń 162 baby boıynsha 3 ákimshilik qaýly toltyrylyp, sotqa jiberildi.
Barlyq oıyn-saýyq mekemeleriniń basshylarymen órtke qarsy qaýipsizdik sharalaryn saqtap, zańsyz pırotehnıkalardy qoldanýǵa jol bermeý jóninde túsiniktemelik jumystar júrgizildi.
