Pırotehnıkany qalaı durys paıdalaný kerek – maman pikiri
Mamannyń pikirinshe, sertıfıkattalmaǵan pırotehnıkalyq buıymdardy qoldaný qaýipti. Sondaı-aq, tótenshe jaǵdaılar ortalyǵynyń dırektory qazaqstandyqtarǵa pırotehnıkalyq buıymdardy satyp alý, saqtaý jáne paıdalaný kezinde qaýipsizdik tehnıkasynyń negizgi erejelerin saqtaýǵa keńes beredi.
Pırotehnıkalyq buıymdardy tek resmı satý oryndarynda satyp alý qajet. «Pırotehnıkalyq zattardy rettelmegen oryndarda (bazarlar, dúńgirshekter, mashınalar jáne basqa da saýda núkteleri) nemese «tanystardan» satyp alýǵa bolmaıdy. Sebebi, ol jerlerde qaýipti sertıfıkattalmaǵan nemese zańsyz buıymdar satylady», - deıdi ol.
Albert Asqarov atap ótkendeı, barlyq pırotehnıkalyq buıymdar (petardalar, feıerverkter, salıýttar, hlopýshkalar jáne t.b.) mindetti túrde sertıfıkattaýǵa jatady. Olardy qoldaný boıynsha memlekettik jáne orys tilderinde nusqaýlyq bolýy tıis. Nusqaýlyqta pırotehnıkalyq buıymdardy daıyndaıtyn uıymnyń (jetkizýshinińnemese ımporttaýshynyń) ataýy men ornalasqan jeri mindetti túrde kórsetilýi kerek.
«Pırotehnıkalyq buıymdardy satyp alý kezinde oramyna nazar aýdarý qajet. Onda ylǵaldy nemese tesilgen jerler, túsiniksiz nemese tek shet tilinde mátin bolmaýy kerek. Taýar belgisi bar pırotehnıkalyq buıymdardy satyp alǵan jón, bul ónimniń sapasyna kepildik beredi», - dedi ol.
Pırotehnıkalyq buıymdardy saqtaý jáne qoldaný kezinde Albert Asqarov kelesi erejelerdi ustanýǵa keńes beredi.
Pırotehnıkalyq buıymdardy qurǵaq jerde, túpnusqa oramada saqtaý kerek. Pırotehnıkalyq buıymdardy tez tutanatyn zattardyń janynda, sondaı-aq jylytý quraldarynyń janynda, temperatýrasy joǵary (30°S artyq), ylǵaldy nemese óte qurǵaq úı-jaıda saqtaýǵa tyıym salynady. Olardy kıim qaltasynda, sondaı-aq uzaq merzimge avtokólikte tasymaldaýǵa bolmaıdy. Pırotehnıkalyq buıymdardy qoldanar aldynda qoldaný jónindegi nusqaýlyqty mindetti túrde oqý qajet.
Pırotehnıkalyq buıymdardy betke, deneniń basqa bólikterine jáne basqa adamdarǵa baǵyttaýǵa úzildi-kesildi tyıym salynady.
Halyqqa satylatyn barlyq feıerverk buıymdary ot ótkizgish jibi bolady, buıymdy qoldanar aldynda ot ótkizgish jipti aldyn ala bosatyp, túzetý qajet.
Bilteni kúıdirý aldynda buıymnyń joǵarǵy jaǵyna jáne janyp jatqan elementterdiń qaıdan ushatynyna kóz jetkizý qajet.
Qaýipsizdiktiń basty erejesi: feıerverk buıymdaryn eshqashan bólshektemeńiz!
Pırotehnıkalyq buıymdarmen jumys isteý kezinde tyıym salynady:
-pırotehnıkalyq buıymdardy balalarǵa eresekterdiń qatysýynsyz qoldanýǵa.
-pırotehnıkalyq buıymǵa mehanıkalyq áser etýge ( basý, urý, soqqy, laqtyrý jáne t. b.).
-pırotehnıkalyq buıymdardy otqa tastaýǵa.
-pırotehnıkalyq buıymdardy úı-jaıda qoldanýǵa (bengal ottary, tort shyraqtary, tarsyldaqtardan basqasy).
-jumys istep turǵan pırotehnıkalyq buıymdy qolda ustaýǵa (bengal ottary, tort shyraqtary, tarsyldaqtardan basqasy).
-pırotehnıkalyq buıymdardy ǵımarattarǵa, aǵash qurylystaryna, elektr berý jelilerine jaqyn jáne qaýipti aımaq radıýsynan az qashyqtyqta paıdalanýǵa.
-pırotehnıkalyq buıymnan qaýipsiz qashyqtyqta bolmaýǵa.
-pırotehnıkalyq buıymdaǵy fıtıldi kúıdirý kezinde,sondaı-aq -pırotehnıkalyq buıymnyń jumysy kezinde oǵan eńkeıip jaqyndaýǵa.
-bilteler (fıtıl) óship qalǵan jaǵdaıda ony taǵy bir ret tutatýǵa.
-paıdalanylǵan pırotehnıkalyq buıymǵa onyń jumysy aıaqtalǵannan keıin kem degende 5 mınýt boıy jaqyndaýǵa, eńkeıip qaraýǵa.
«Joǵaryda kórsetilgen qarapaıym erejelerdi bilý jáne saqtaý turǵyndardyń óz jáne aınalasyndaǵy adamdardyń densaýlyǵyna zııan keltirmeýge negizdelgen. Sondaı – aq, pırotehnıkalyq buıymdardy satyp alý, saqtaý jáne qoldaný kezinde órttiń aldyn alýǵa múmkindik beredi», - dep qortyndylady Albert Asqarov.