Pırotehnıkany durys qoldanbaǵan: Almatyda bıznes-ortalyq otqa orandy
ALMATY. QazAqparat - Almatyda bıznes-ortalyq órtendi, dep habarlaıdy QazAqparat Tótenshe jaǵdaılar komıtetine silteme jasap.
«Saǵat 00:31-de 101 qyzmetine Almaly aýdany Jumalıev kóshesindegi «Grand Asia» bıznes-ortalyǵynda órt tutanǵany týraly habar kelip tústi. Órt sóndirýshiler 1-qabattan bastap 12-qabatqa deıin keramogranıt astyna tóselgen jylytqyshtyń syrtqy qaptamasy janyp jatqanyn anyqtady. Qyzyl jalyn 02:18-de tolyq sóndirildi. Órt 150 sharshy metr aýmaqty sharpyǵan. Zardap shekkender men qaza tapqandar joq. Tilsiz jaýdyń aldyn ala sebebi - pırotehnıkany qoldaný kezinde órt qaýipsizdigin saqtamaý» delingen habarlamada.
Órtti sóndirýge Almaty qalalyq tótenshe jaǵdaılar departamentiniń jeke quramynan 43 adam jáne 15 tehnıka jumyldyryldy.
