Pırotehnıkamen oınaǵan balalary úshin ata-analar jaýapqa tartylýda
PETROPAVL. QazAqparat - Mereke kúnderi Soltústik Qazaqstan oblysynyń polıtseıleri men qutqarýshylary adam ómiri men densaýlyǵyna qaýip tóndiretin, lıtsenzııalanbaǵan pırotehnıkalyq buıymdardy anyqtap, tárkilep otyrdy, dep habarlaıdy QazAqparat tilshisi.
Polıtsııa departamenti baspasóz qyzmetiniń málimetinshe, bul kúnderi 150-ge jýyq reıd ótkizilgen. 15 satýshynyń saýdaǵa ruqsat beretin tıisti qujattary bolmaǵan. Olardyń barlyǵy «Zańsyz saýda» baby boıynsha ákimshilik jaýapkershilikke tartylyp, 25 AEK kóleminde aıyppul salyndy.
«Qaýipti taýardyń bir myńǵa jýyq birligi tárkilendi. Pırotehnıkany eresekterdiń qaraýynsyz qoldanǵan balalardyń ata-analaryna qatysty 5 ákimshilik hattama toltyryldy», - dep qosyp ótti baspasóz qyzmetinen.
Avtory Olesıa Jýkoven
