Pırotehnıkalyq ónim satatyndar tekseriledi - mınıstrlik
NUR-SULTAN. QazAqparat – Sertıfıkattalmaǵan pırotehnıkalyq ónimderdi satatyndar tekseriledi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Mereke qarsańynda Іshki ister mınıstrligi turǵyndarǵa óz múlikterine muqııat bolýǵa, karantındik is-sharalar men densaýlyq saqtaý uıymdarynyń usynystaryn ustanýǵa keńes beredi. Júrgizýshiler men jaıaý júrginshilerge jol qozǵalysy erejelerin qatań saqtaý kerektigin eske salady», - dedi resmı ókil.
Onyń aıtýynsha, jazataıym oqıǵalardyń aldyn alý úshin sertıfıkattalmaǵan pırotehnıkalyq ónimderdi satý jáne ony adamdar kóp jınalatyn jerlerde paıdalanýǵa jol bermeý boıynsha tekserýler júrgiziledi.
«Sondaı-aq polıtseıler pırotehnıkany paıdalaný kezinde qaýipsizdik erejelerin qatań saqtaýdy suraıdy», - dedi Nurdildá Oraz.
Budan buryn habarlanǵandaı, Jańa jyl qarsańynda ishki ister organdarynyń jeke quramy kúsheıtilgen qyzmet túrine kóshedi.
