Pıramıdalar eli ǵajaıyptarǵa toly Qazaqstanmen tanysýda
ASTANA. QazAqparat -Mysyrlyq belgili basylymdar men resýrstar arab týrısteri úshin bizdiń elimizdiń kórnekti jerleri týraly materıaldardy jarııalaýda, dep habarlaıdy «QazAqparat» HAA tilshisi.
«Bizdiń Býrabaıdyń ádemiligi jaıly maqalamyzdy Taıaý Shyǵys jáne Soltústik Afrıka elderine taralatyn áıgili «Arab týrızmi» jýrnaly jarııalady. 2016 jyly basylym týrıstik saladaǵy arab áleminiń eń úzdik basylymy retinde halyqaralyq syılyqqa ıe bolǵan», - dep jazdy Qazaqstan Respýblıkasynyń Egıpet Arab Respýblıkasyndaǵy Tótenshe jáne Ókiletti elshisi Arman Isaǵalıev Feısbýktegi paraqshasynda.
A.Isaǵalıevtiń aıtýynsha, otandyq týrızmdi damytý maqsatynda mysyrdyń mamandandyrylǵan jetekshi saıttarynda qazaqstandyq týrızm ortalyqtary jaıly jarııalanymdar bólimi iske qosylǵan. Bizdiń maqtanyshymyzǵa aınalǵan Býrabaı shıpajaı aýmaǵyna arnalǵan «Qazaqstan - ǵajaıyptar eli men jer jánnaty» dep atalatyn materıal - mysyrlyq saıtta jarııalanǵan eń alǵashqy maqala boldy.
