Pıramıda tásili aýyl sharýashylyǵy óniminen alynatyn QQS-ty almastyrady
ASTANA.KAZINFORM - Premer-mınıstrdińorynbasary – ulttyq ekonomıka mınıstri Serik Jumanǵarınniń tóraǵalyǵymen ótken jańa Salyq kodeksin engizý jónindegi jobalyq keńsesiniń 18-shi otyrysynda qujattaǵy eń kóp talqylanatyn normalardyń biri – nóldik mólsherleme boıynsha salyq salynatyn aınalym maqsatynda paıdalanylǵan aýyl sharýashylyǵy, balyq sharýashylyǵy jáne kásipshilik balyq aýlaý ónimderine qatysty QQS boıynsha jeńildikterdi qoldaný tártibi qaraldy.
QR Úkimeti baspasóz qyzmetiniń habarlaýynsha, bul jerde áńgime eksport kezinde osyndaı ónim boıynsha esepke jatqyzylatyn QQS somasyn 80%-ǵa azaıtýdy kózdeıtin Salyq kodeksiniń 484-babynyń normasy týraly bolyp otyr.
Salalyq qaýymdastyqtarmen, aýyl sharýashylyǵy taýaryn óndirýshilermen jáne eksporttaýshylarmen talqylaý barysynda eksporttyq jetkizilimder boıynsha QQS-ty tolyq óteý múmkindigin saqtaý otandyq agrarıılerdi qoldaýdyń qosymsha sharasy retinde qazaqstandyq ónimniń syrtqy naryqtaǵy básekege qabilettiligin saqtaýǵa múmkindik beretini atap ótildi.
Jobalyq keńse otyrysynyń qorytyndysy boıynsha aýyl sharýashylyǵy ónimderin eksporttaýshylar úshin esepke jatqyzylatyn QQS somasyn túzetý qoldanylmaıdy degen sheshim qabyldandy. ıAǵnı, Salyq kodeksiniń 484-babynyń osy normasy joıylady. QQS-ty qaıtarýǵa qoıylatyn talaptardyń negizdiligi «pıramıda ádisi» dep atalatyn salyqtyq tekserýmen rastalady. Bul taýar qozǵalysynyń jáne salyq tóleýdiń búkil tizbegin – aýyl sharýashylyǵy óndirýshisinen eksporttaýshyǵa deıin baqylaýǵa múmkindik beredi. Mundaı tekserýdiń oń nátıjeleri bolǵan jaǵdaıda eksporttaýshy buryn tólengen QQS-ty tolyq kólemde qaıtara alady.
Esepke alý QQS túzetý jónindegi normany engizý kezinde bir mezgilde aýyl sharýashylyǵy taýaryn óndirýshiler úshin jeńildik keńeıtildi: bıýdjetke tólenýge jatatyn QQS somasyn azaıtý mólsheri 70% - dan 80% - ǵa deıin ulǵaıtyldy. Eksporttyq QQS-ty qaıtarýdyń buryn qoldanysta bolǵan tetigin saqtaý týraly sheshim qabyldanǵandyqtan, jeńildiktiń burynǵy mólsheri - 70%-dy qalpyna keltirý usynylady.
Sonymen qatar, Memlekettik kirister komıteti Ulttyq bankpen birlesip QQS qaıtarý kezinde tsıfrlyq teńgeni paıdalaný tetigin pysyqtaýda. Ony engizý boıynsha jumysty bıyl aıaqtaý josparlanýda. Bul qural eń aldymen eksporttaýshylarǵa baǵyttalǵan jáne QQS qaıtarý merzimin edáýir qysqartýǵa múmkindik beredi. Bul rette ony qoldaný tek erikti sıpatqa ıe: bıznes QQS qaıtarýdyń qoldanystaǵy tártibi men tsıfrlyq teńgeni paıdalaný tetigi arasynda tańdaý jasaı alady.
Serik Jumanǵarın atap ótkendeı, sheshim qabyldaý kezinde salalyq qaýymdastyqtardyń, aýyl sharýashylyǵy taýaryn óndirýshiler men eksporttaýshylardyń usynystary eskerildi. Tańdalǵan tásil agrarlyq sektordy qoldaýdyń qoldanystaǵy sharalaryn saqtaýǵa, eksporttaýshylar úshin turaqty jáne boljamdy jumys jaǵdaılaryn qamtamasyz etýge, sondaı-aq qazaqstandyq aýyl sharýashylyǵy ónimderiniń syrtqy naryqtardaǵy básekege qabilettiligin qoldaýǵa múmkindik beredi.
Osyǵan deıin salyq organdarynyń zańsyz QQS shemalaryna qarsy baqylaýdy kúsheıtkeni týraly jazdyq.
