Pıraly Álıev «Jeńis» komandasy bas bapkeri mindetin atqarady

ASTANA. KAZINFORM — «Jeńis» fýtbol klýbynyń bas bapkeri mindetin qazaqstandyq Pıraly Hanalıuly Álıev atqaratyn boldy. 

Bul jóninde komandanyń baspasóz qyzmeti málim etti.

Pıraly Hanalıuly Álıev 1984 jyly dúnıege kelgen. 2002 jyly fýtboldaǵy alǵashqy qadamyn almatylyq «Qaırat» komandasynda bastady. Odan keıingi jyldarda «Atyraý», «Astana-1964», «Jetisý», «Astana», «Tobyl», «Ordabasy», «Ertis», «Qyzyljar» klýbtarynda dop tepti. 

Ulttyq qurama sapynda 2005-2015 jyldarda el namysyn qorǵady.

Sońǵy jyldarda «Jeńis» klýbynda bas bapkerdiń kómekshisi qyzmetin atqardy.

Eske salsaq, budan buryn «Jeńis» fýtbol klýbynyń bas bapkeri Akıs Vavalıs qyzmetinen ketti.
«Jeńis» bıylǵy birinshilikti sátsiz ótkizip keledi. Qazir týrnır kestesinde bes upaımen onynshy orynda keledi.

Akıs Vavalıs elordalyq komanda tizginin 2024 jyldyń mamyr aıynda ustaǵan edi.