Pıraly Álıev «Kaspıı» komandasyna bas bapker boldy

ASTANA. KAZINFORM - Qazaqstandyq maman Pıraly Álıev «Kaspıı» fýtbol klýbynyń bas bapkeri boldy.

Bul jóninde komandanyń baspasóz qyzmeti málim etti.

Almaty fýtbol mektebiniń túlegi oıynshy retinde «Qaırat», «Atyraý», «Jetisý», «Lokomotıv», «Tobyl», «Ordabasy» jáne «Ertis» klýbtarynyń namysyn qorǵady.

2006 jáne 2007 jyldary «Jeńis» klýbynda Qazaqstan chempıony atanyp, ulttyq qurama sapynda 5 match ótkizdi.

Bapkerlik mansabyn 2021 jyly Túrkııanyń «Istanbýlspor» klýbynyń jastar komandasynyń bas bapkeri retinde bastap, jergilikti B dıvızıonynyń chempıony boldy.

Budan bólek, 2023 jyly Túrkııa Sýperlıgasyndaǵy «Istanbýlspor» negizgi komandasynyń bas bapkeri mindetin atqaryp, eki oıynǵa qatysty. 2024 jáne 2025 maýsymdarynda «Jeńis» fýtbol klýbynyń bas bapkeriniń assıstenti qyzmetin atqardy.

Eske salsaq, budan buryn «Ertis» fýtbol klýby komandanyń bas bapkeri bolyp qyzmetine Belarýs mamany Kırıll Alshevskıı taǵaıyndaldy.