Pıngvınder depressııaǵa qarsy dárilerdi qabyldaı bastady
ASTANA. QazAqparat - Brıtanııanyń Skarboro qalasyndaǵy haıýanattar baǵynyń qyzmetkerleri pıngvınderge depressııaǵa qarsy dári-dármek berýde. Haıýanattar baǵynyń ákimshiliginiń aıtýynsha, Ońtústik Amerıkadan ákelingen pıngvınderge aýa raıy qolaısyz bolyp otyr. Sol sebepten ákimshilik bundaı qadamǵa barǵan eken. Olardyń tamaqqa tábetteri tartpaı qoıypty jáne jumyrtqa baspaı júrgen kórinedi.
Baq qyzmetkerleriniń aıtýyna qaraǵanda, pıngvınder haıýanattar baǵyna jetkizilgennen keıin aýa raıynyń ylǵaldylyǵy men jeli jaqpaı, bir aptanyń ishinde jabyrqaı bastap, bir aıdan keıin tipti júnjip ketken kórinedi, dep jazady rosbalt.ru.
