Pınchýk úzdik jas sýretshler úshin 100 myń dollarlyq júlde taǵaıyndady
ASTANA. Jeltoqsannyń 11-i. QazAqparat - Ýkraınalyq mıllıarder Vıktor Pınchýk 35 jasqa deıingi sýretshilerge arnalǵan jańa syılyq taǵaıyndaıtynyn jarııalady,
dep habarlaıdy QazAqparat Bloomberg saıtyna silteme jasap.
100 myń dollarlyq nagrada eki jylda bir ret beriletin bolady; álemniń barlyq túkpirindegi sýretshiler 2010 jylǵy qańtardyń 18-inen bastap ótinim bere alady. 20 fınalshynyń jumystary 2010 jylǵy qazanda PinchukArtCentre kıevtik galereıaǵa qoıylady. 20 myń dollarlyq bes «yntalandyrý» syılyǵy ıegerleriniń attary jeltoqsanda atalady.
The Future Generation Art Prize syılyǵynyń qazylar alqasyna Pınchýktiń ózi, tanymal tórt sýretshi, amerıkandyq kollektsıoner Elı Broad, ánshi jáne kompozıtor Elton Djon, dızaıner Mıýchcha Prada, nıý-ıorktik Qazirgi zaman óneri murajaıynyń dırektory Glenn Loýrı jáne Gýggenhaım murajaıynyń dırektory Rıchard Armstrong enedi.
Baılyǵyn Forbes 2,6 mıllıard dollar dep baǵalaǵan bıznesmen buǵan deıin Kıevte qazirgi zaman óneriniń jańa ortalyǵyn salý nıeti týraly jarııalaǵan bolatyn.
