Pılottyq joba: Almatyda «Sergektiń» jańa qyzmeti myńnan astam zań buzýshylyqty anyqtady

ALMATY. KAZINFORM — Almatyda pılottyq rejımde 1 aı buryn «Sergek» beınebaqylaý kameralarynyń jańa fýnktsııasy iske qosyldy.

Jańa qyzmet qosylǵan kameralar tek Sátbaev kóshesiniń boıynda Dostyq dańǵylynan Ýálıhanov kóshesine deıin ornatylǵan. Beınekameralar turaqqa qoıý erejelerin buzǵan kólikterdi, onyń ishinde ekinshi qatarmen qoıylǵan kólikterdi anyqtaıdy. 

Almaty qalasy Polıtsııa departamentiniń málimetinshe, pılottyq joba iske qosylǵannan beri 948 zań buzýshylyq tirkelgen. Alaıda belgilengen aıyppuldardyń sany áli naqtylanbaǵan.

Eske salaıyq, Jol qozǵalysy erejeleriniń 87, 88-pýnktterine sáıkes, kóliktiń basqa kólik quraldarynyń júrisine múmkindik bermeıtin (kirý nemese shyǵý) nemese basqa kólik quraldarynyń qozǵalysyna kedergi keltiretin (keptelis) oryndarda toqtaýyna bolmaıdy. Bul qaǵıdalardy buzǵandarǵa 10 AEK (39 myń 320 teńge) aıyppul salynady.

Buǵan deıin Almatyda jol qaýipsizdigin qamtamasyz etý úshin «Sergek» apparattyq-baǵdarlamalyq kesheniniń (ABK) 300 kamerasy ornatylǵanyn jazǵanbyz.

Sondaı-aq Almatyda avtoturaq baǵasy qalaı ózgeretinin jazǵan edik.