Pılottyq joba: Almaty mektepterinde seısmıkalyq qaýipsizdik jóninde sabaq ótkiziledi
ALMATY. KAZINFORM — Bul týraly Almatynyń seısmıkalyq qaýipsizdik jáne jumyldyrý daıyndyǵy basqarmasy basshysynyń mindetin atqarýshy Batyrhan Súleımenov aıtty.

Basqarma basshysy Kazinform tilshisine bergen suhbatynda turǵyndar arasynda qaýipsizdik mádenıetin qalyptastyrýǵa úlken mán berilip otyrǵanyn atap ótti. Aıtýynsha, byltyr birneshe ret jalpyqalalyq seısmojattyǵý ótkizildi, sondaı-aq TJD qyzmetkerleri mektepterde, saıabaqtarda, adam kóp jınalatyn oryndarda túsindirý jumysyn júrgizdi.
Endigi kezekte mektepterde seısmıkalyq qaýipsizdik jóninde synyptan tys saǵattardy engizýdi josparlanyp otyr.
— Búgingi kúni birinshi kezekte qaýipsizdik qadamdaryn balalarǵa úıretkimiz keledi. Ol úshin mektep baǵdarlamasy ázirlendi. Pılottyq jobany iske qosamyz, oqý oryndarynda apta saıyn synyptan tys saǵattar ótedi. Byltyr jazda 1,5 myń balabaqsha men mektep qyzmetkerin oqyttyq, bul sabaqty oqýdan ótken mamandar ótkizedi. Sondaı-aq bıyl toqsan saıyn seısmojattyǵý bolady. Osy oraıda qala turǵyndaryn jattyǵýlarǵa barynsha qatysýǵa shaqyramyn, — dedi ol.
Batyrhan Súleımenovpen tolyq suhbatty osy silteme boıynsha oqı alasyzdar.