Pılotsyz taksıler: otandyq IT-joba 2026 jyly iske qosylady
ASTANA. KAZINFORM — Otandyq Jet Sharing kompanııasy pılottyq jobany iske qosý týraly jospary bar ekenin jarııalady. Bul týraly Úkimettiń baspasóz qyzmeti habarlady.
Al 2027 jyly servısti tolyqqandy kommertsııalyq aýqymda paıdalanýǵa berýi múmkin. Elimizdiń kólik salasyn tsıfrlandyrý sheńberindegi bul jańashyldyq Digital Bridge 2025 tehnologııalyq forýmynda tanystyryldy. Memleket basshysynyń tapsyrmalaryna sáıkes elimizde jasandy ıntellekt tehnologııalaryn qarqyndy engizý jalǵasyp jatyr.
Tehnologııa jasandy ıntellektige negizdelgen, ol avtomobıldiń ózin de, tapsyrystardy bólý jáne baǵa belgileý protsesterin de basqarady. Ázirleýshilerdiń aıtýynsha, mundaǵy negizgi jáne eń shyǵyndy kóp qajet etetin tus — kólikter navıgatsııasyna qajet qalanyń joǵary dáldiktegi 3D kartasyn jasaý bolmaq. Testileýge arnalǵan bastapqy alań retinde Alatau city qarastyrylýda, odan keıin Astana men Almatyǵa shyǵý jospary bar.
— Biz mundaı qyzmetti TMD boıynsha birinshi bolyp iske qosamyz dep senemin. Eger memleket qoldaý bildirse, synaq kezeńin 2026 jyly bastaýǵa, al 2027 jyly tolyqqandy servısti paıdalanýǵa berýge daıynbyz. Jalǵyz ǵana qıyn tus — Qazaqstanda ázirge joq 3D-navıgatsııany qurý, — dedi Jet Sharing kompanııasynyń negizin qalaýshy Meırambek Ábilqasov.
Aıta ketelik Oljas Bektenov úzdik otandyq IT-jobalar men tsıfrlyq bastamalarǵa marapat tabys etken edi.