Pildiń kómegimen obyrǵa qarsy dári daıyndaý múmkindigi bar
ASTANA. QazAqparat - Chıkago Ýnıversıtetiniń ǵylymı qyzmetkerleri pilder onkologııalyq aýrýdan aıyǵýǵa kómektese alatyn vaktsınany daıyndaýǵa septese alatynyn aıtty. Mamandardyń aıtýynsha, bul janýarlarda qaterli isiktiń damýyn toqtata alatyn genetıkalyq komponenttiń 20 kóshirmesi bar eken.
Mamandardyń aıtýynsha, pilderdiń aǵzasynan tabylǵan erekshe zattar túrli qaýipti isikterge qarsy dárilik preparattardy aýystyra alady.
Ǵalymdar bul haıýanattyń aǵzasynda qupııa zat bar dep esepteıdi. Pildiń de adam sııaqty ómir uzaqtyǵy shamamen 70 jyldy quraǵanymen, onyń isik aýrýyna shaldyqpaıtyny ǵalymdardy qyzyqtyryp otyr.
Chıkago Ýnıversıtetiniń zertteýshileri bul jańalyq medıtsına salasyn biraz alǵa jyljytady dep otyr. Birneshe onjyldyq ótken soń adamzat qaterli aýrýdan qutylýy múmkin, deıdi ǵalymdar.
